غداً (الاربعاء) راح يكون اول يوم دراسي للسنة الدراسية الجديدة .. كنت اكره اول يوم دراسي لدرجة اني ما انام الا متأخر , يااه ياشين ذيك الايام .. بنشر التدوينة هذي واقوم انام .. والله يجعل اول يوم يفتح النفس .. ماخذ مادة فرنسي 101 
.. يومياً راح تكونوا مع كلمة جديدة بالفرنسي 
..
الله يسهل علي .. ويخلي المدرسين والدكاترة طيبين ..
غيرت جوالي من فترة لكن المرة هذي ابتعدت عن نوكيا .. راغب في التغيير .. مللت شكل نوكيا ومواصفاته اللي نادراً تجتمع مع بعض.. حولت الى شركة سوني-اريكسون, بعد التجربة بكل صدق اقول نوكيا كنت مغدوع فيه .. مشكلتي مع نوكيا تتركز فيه انها شركة تحاول استغفال الناس بحيث انه ما يحط لك كل المواصفات اللي تبغاها في جوال واحد .. ناخذ مثال لما كنت ابحث عن جوال حددت مواصفات جوالي المستقبلي ( عروس !) عجزت القى جوال من نوكيا يناسبني من ناحية القيمة و الشكل و الحجم وتوفر بعض المواصفات زي مثلاً راديو وتصوير واضح حجم صغير و قيمة معقولة (كلها مجتمعه صعب تلقى) .. سألت عن سوني-اريكسون كثير ناس مو مقتنعه فيه وتقول مافيه زي النوكيا ! ليش ما ادري ؟
سألت بعض مستخدمين سوني-اريكسون الكل نصح و اشار علي اني اشتري سوني-اريكسون .. راح بالي عارفين وين ؟ لمستخدمين ابل و ويندوز نفس الحالة بالضبط .. واحد قالي تشتري سوني-اريكسون تتعود عليه خلاص ما ودك ترجع نوكيا ..
بعد تجربتي للجهاز .. القائمة تفتح النفس وافضل بكثير من قائمة نوكيا .. والكاميرا 3.2 ميقا بيكسل .. وفيه راديو .. الحجم مناسب لي .. الشكل ممتاز جداً ..ذاكرته 265 ميقا معقولة بالنسبة لمستخدم مثلي ..
**
السؤال هنا ليش نوكيا هي اللي تلقى استحسان جيوبكم ؟(الكلام موجه للنوكيين) ..
صورة مقتبسة من موفع لنوع جوالي :
مستخدمين سوني-اريكسون .. اكيد فيه اشياء عجبتكم في سوني-اريكسون اكثر من نوكيا .. مو شرط تكون في المواصفات, حتى لو شيء بسيط .. خلونا نجمعها هنا :
.
.
.
.
فيديو تجريبي .. قريباً بعض الدروس و المقاطع
اليومين هذي الكلام عن القضاة صاير كثير. اغلب مواقع الاخبار تحكي عنهم, من قضية الرجل”السعودي” اللي قبضوا عليه في الامارات الى القاضي اللي بالرس! والكتاب في المواقع والمنتديات على انواع اللي ينفي واللي يلوم جماعة معينة واللي يقول انها ملفقة عشان ما عجبته واللي ماله دخل و يتدخل .. بعد الاحداث هذي الجهات المسؤولة سواء وزارة العدل او الداخلية المفروض يتأكدون من اللي جالس يصير .. اذا فيه ناس زي كذا ماسكين القضاء عندنا “رحنا فيها” .. القضاء يعتبر من اهم قطاعات الدولة واساساتها .. يفسد معناته فسد كل شيء ..
ننتظر ونشوف وش بكرة مخبي !
قمت بإضافة تصنيف جديد في القائمة الجانبية بإسم “تجدونا ايضا في” ..
وهي مواقع استخدمها بإستمرار .. مثل فليكر للصور .. وtwitter (مع اني ما استخدمه كثير لكن اتعود عليه) ..
و قريباً راح اضيف رابط لقناتي في موقع يوتوب .. ترقبوها..